וַ/יַּ֥עַן אִיּ֗וֹב וַ/יֹּאמַֽר׃
Old Testament
Job 26
Hebrew · WLC / OSHB · 14 source records
מֶה־עָזַ֥רְתָּ לְ/לֹא־כֹ֑חַ ה֝וֹשַׁ֗עְתָּ זְר֣וֹעַ לֹא־עֹֽז׃
מַה־יָּ֭עַצְתָּ לְ/לֹ֣א חָכְמָ֑ה וְ֝/תוּשִׁיָּ֗ה לָ/רֹ֥ב הוֹדָֽעְתָּ׃
אֶת־מִ֭י הִגַּ֣דְתָּ מִלִּ֑ין וְ/נִשְׁמַת־מִ֝י יָצְאָ֥ה מִמֶּֽ/ךָּ׃
הָ/רְפָאִ֥ים יְחוֹלָ֑לוּ מִ/תַּ֥חַת מַ֝֗יִם וְ/שֹׁכְנֵי/הֶֽם׃
עָר֣וֹם שְׁא֣וֹל נֶגְדּ֑/וֹ וְ/אֵ֥ין כְּ֝ס֗וּת לָֽ/אֲבַדּֽוֹן׃
נֹטֶ֣ה צָפ֣וֹן עַל־תֹּ֑הוּ תֹּ֥לֶה אֶ֝֗רֶץ עַל־בְּלִי־מָֽה׃
צֹרֵֽר־מַ֥יִם בְּ/עָבָ֑י/ו וְ/לֹא־נִבְקַ֖ע עָנָ֣ן תַּחְתָּֽ/ם׃
מְאַחֵ֥ז פְּנֵי־כִסֵּ֑ה פַּרְשֵׁ֖ז עָלָ֣י/ו עֲנָנֽ/וֹ׃
חֹֽק־חָ֭ג עַל־פְּנֵי־מָ֑יִם עַד־תַּכְלִ֖ית א֣וֹר עִם־חֹֽשֶׁךְ׃
עַמּוּדֵ֣י שָׁמַ֣יִם יְרוֹפָ֑פוּ וְ֝/יִתְמְה֗וּ מִ/גַּעֲרָתֽ/וֹ׃
בְּ֭/כֹח/וֹ רָגַ֣ע הַ/יָּ֑ם ו/ב/תובנת/ו מָ֣חַץ רָֽהַב׃
בְּ֭/רוּח/וֹ שָׁמַ֣יִם שִׁפְרָ֑ה חֹֽלֲלָ֥ה יָ֝ד֗/וֹ נָחָ֥שׁ בָּרִֽיחַ׃
הֶן־אֵ֤לֶּה׀ קְצ֬וֹת דרכ/ו וּ/מַה־שֵּׁ֣מֶץ דָּ֭בָר נִשְׁמַע־בּ֑/וֹ וְ/רַ֥עַם גבורת/ו מִ֣י יִתְבּוֹנָֽן׃ ס