Psalms 13

לַ/מְנַצֵּ֗חַ מִזְמ֥וֹר לְ/דָוִֽד׃

עַד־אָ֣נָה יְ֭הוָה תִּשְׁכָּחֵ֣/נִי נֶ֑צַח עַד־אָ֓נָה׀ תַּסְתִּ֖יר אֶת־פָּנֶ֣י/ךָ מִמֶּֽ/נִּי׃

עַד־אָ֨נָה אָשִׁ֪ית עֵצ֡וֹת בְּ/נַפְשִׁ֗/י יָג֣וֹן בִּ/לְבָבִ֣/י יוֹמָ֑ם עַד־אָ֓נָה׀ יָר֖וּם אֹיְבִ֣/י עָלָֽ/י׃

הַבִּ֣יטָֽ/ה עֲ֭נֵ/נִי יְהוָ֣ה אֱלֹהָ֑/י הָאִ֥ירָ/ה עֵ֝ינַ֗/י פֶּן־אִישַׁ֥ן הַ/מָּֽוֶת׃

פֶּן־יֹאמַ֣ר אֹיְבִ֣/י יְכָלְתִּ֑י/ו צָרַ֥/י יָ֝גִ֗ילוּ כִּ֣י אֶמּֽוֹט׃

וַ/אֲנִ֤י׀ בְּ/חַסְדְּ/ךָ֣ בָטַחְתִּי֮ יָ֤גֵ֥ל לִבִּ֗/י בִּֽ/ישׁוּעָ֫תֶ֥/ךָ אָשִׁ֥ירָה לַ/יהוָ֑ה כִּ֖י גָמַ֣ל עָלָֽ/י׃