Old Testament

Psalms 75

Hebrew · WLC / OSHB · 11 source records

לַ/מְנַצֵּ֥חַ אַל־תַּשְׁחֵ֑ת מִזְמ֖וֹר לְ/אָסָ֣ף שִֽׁיר׃

ה֘וֹדִ֤ינוּ לְּ/ךָ֨׀ אֱֽלֹהִ֗ים ה֭וֹדִינוּ וְ/קָר֣וֹב שְׁמֶ֑/ךָ סִ֝פְּר֗וּ נִפְלְאוֹתֶֽי/ךָ׃

כִּ֭י אֶקַּ֣ח מוֹעֵ֑ד אֲ֝נִ֗י מֵישָׁרִ֥ים אֶשְׁפֹּֽט׃

נְֽמֹגִ֗ים אֶ֥רֶץ וְ/כָל־יֹשְׁבֶ֑י/הָ אָנֹכִ֨י תִכַּ֖נְתִּי עַמּוּדֶ֣י/הָ סֶּֽלָה׃

אָמַ֣רְתִּי לַֽ֭/הוֹלְלִים אַל־תָּהֹ֑לּוּ וְ֝/לָ/רְשָׁעִ֗ים אַל־תָּרִ֥ימוּ קָֽרֶן׃

4 retained model references

References may include alternative or legacy models. Their presence does not assert normative completeness.

אַל־תָּרִ֣ימוּ לַ/מָּר֣וֹם קַרְנְ/כֶ֑ם תְּדַבְּר֖וּ בְ/צַוָּ֣אר עָתָֽק׃

4 retained model references

References may include alternative or legacy models. Their presence does not assert normative completeness.

כִּ֤י לֹ֣א מִ֭/מּוֹצָא וּ/מִֽ/מַּעֲרָ֑ב וְ֝/לֹ֗א מִ/מִּדְבַּ֥ר הָרִֽים׃

כִּֽי־אֱלֹהִ֥ים שֹׁפֵ֑ט זֶ֥ה יַ֝שְׁפִּ֗יל וְ/זֶ֣ה יָרִֽים׃

כִּ֤י כ֪וֹס בְּֽ/יַד־יְהוָ֡ה וְ/יַ֤יִן חָמַ֨ר׀ מָ֥לֵא מֶסֶךְ֮ וַ/יַּגֵּ֪ר מִ֫/זֶּ֥ה אַךְ־שְׁ֭מָרֶי/הָ יִמְצ֣וּ יִשְׁתּ֑וּ כֹּ֝֗ל רִשְׁעֵי־אָֽרֶץ׃

וַ֭/אֲנִי אַגִּ֣יד לְ/עֹלָ֑ם אֲ֝זַמְּרָ֗ה לֵ/אלֹהֵ֥י יַעֲקֹֽב׃

וְ/כָל־קַרְנֵ֣י רְשָׁעִ֣ים אֲגַדֵּ֑עַ תְּ֝רוֹמַ֗מְנָה קַֽרְנ֥וֹת צַדִּֽיק׃