Psalms 93

יְהוָ֣ה מָלָךְ֮ גֵּא֪וּת לָ֫בֵ֥שׁ לָבֵ֣שׁ יְ֭הוָה עֹ֣ז הִתְאַזָּ֑ר אַף־תִּכּ֥וֹן תֵּ֝בֵ֗ל בַּל־תִּמּֽוֹט׃

נָכ֣וֹן כִּסְאֲ/ךָ֣ מֵ/אָ֑ז מֵֽ/עוֹלָ֣ם אָֽתָּה׃

נָשְׂא֤וּ נְהָר֨וֹת׀ יְֽהוָ֗ה נָשְׂא֣וּ נְהָר֣וֹת קוֹלָ֑/ם יִשְׂא֖וּ נְהָר֣וֹת דָּכְיָֽ/ם׃

מִ/קֹּל֨וֹת׀ מַ֤יִם רַבִּ֗ים אַדִּירִ֣ים מִשְׁבְּרֵי־יָ֑ם אַדִּ֖יר בַּ/מָּר֣וֹם יְהוָֽה׃

עֵֽדֹתֶ֨י/ךָ׀ נֶאֶמְנ֬וּ מְאֹ֗ד לְ/בֵיתְ/ךָ֥ נַאֲוָה־קֹ֑דֶשׁ יְ֝הוָ֗ה לְ/אֹ֣רֶךְ יָמִֽים׃