Theology

Summa · Ii ii caritate — Question 46

Latin · LEONINA_CT_Q23 · 27 source records

Q. 46 · prooemium Inspect passage & models ↗

Deinde considerandum est de stultitia, quae opponitur sapientiae. Et circa hoc quaeruntur tria. Primo, utrum stultitia opponatur sapientiae. Secundo, utrum stultitia sit peccatum. Tertio, ad quod vitium capitale reducatur.

Q. 46 · Art. 1 · objection 1 Inspect passage & models ↗

Ad primum sic proceditur. Videtur quod stultitia non opponatur sapientiae. Sapientiae enim directe videtur opponi insipientia. Sed stultitia non videtur esse idem quod insipientia, quia insipientia videtur esse solum circa divina, sicut et sapientia; stultitia autem se habet et circa divina et circa humana. Ergo sapientiae non opponitur stultitia.

1 retained model references

References may include alternative or legacy models. Their presence does not assert normative completeness.

Q46A1Obiectio1

Q. 46 · Art. 1 · objection 2 Inspect passage & models ↗

Praeterea, unum oppositorum non est via perveniendi ad aliud. Sed stultitia est via perveniendi ad sapientiam, dicitur enim I ad Cor. III, si quis videtur inter vos sapiens esse in hoc saeculo, stultus fiat, ut sit sapiens. Ergo sapientiae non opponitur stultitia.

1 retained model references

References may include alternative or legacy models. Their presence does not assert normative completeness.

Q46A1Obiectio2

Q. 46 · Art. 1 · objection 3 Inspect passage & models ↗

Praeterea, unum oppositorum non est causa alterius. Sapientia autem est causa stultitiae, dicitur enim Ierem. X, stultus factus est omnis homo a scientia sua; sapientia autem quaedam scientia est. Et Isaiae XLVII dicitur, sapientia tua et scientia tua, haec decepit te, decipi autem ad stultitiam pertinet. Ergo sapientiae non opponitur stultitia.

1 retained model references

References may include alternative or legacy models. Their presence does not assert normative completeness.

Q46A1Obiectio3

Q. 46 · Art. 1 · objection 4 Inspect passage & models ↗

Praeterea, Isidorus dicit, in libro Etymol., quod stultus est qui per ignominiam non commovetur ad dolorem, et qui non movetur iniuria. Sed hoc pertinet ad sapientiam spiritualem; ut Gregorius dicit, in X Moral. Ergo sapientiae non opponitur stultitia.

1 retained model references

References may include alternative or legacy models. Their presence does not assert normative completeness.

Q46A1Obiectio4

Q. 46 · Art. 1 · sed contra Inspect passage & models ↗

Sed contra est quod Gregorius dicit, in II Moral., quod donum sapientiae datur contra stultitiam.

Q. 46 · Art. 1 · respondeo Inspect passage & models ↗

Respondeo dicendum quod nomen stultitiae a stupore videtur esse sumptum, unde Isidorus dicit, in libro Etymol., stultus est qui propter stuporem non movetur. Et differt stultitia a fatuitate, sicut ibidem dicitur, quia stultitia importat hebetudinem cordis et obtusionem sensuum; fatuitas autem importat totaliter spiritualis sensus privationem. Et ideo convenienter stultitia sapientiae opponitur. Sapiens enim, ut ibidem Isidorus dicit, dictus est a sapore, quia sicut gustus est aptus ad discretionem saporis ciborum, sic sapiens ad dignoscentiam rerum atque causarum. Unde patet quod stultitia opponitur sapientiae sicut contrarium; fatuitas autem sicut pura negatio. Nam fatuus caret sensu iudicandi; stultus autem habet, sed hebetatum; sapiens autem subtilem ac perspicacem.

1 retained model references

References may include alternative or legacy models. Their presence does not assert normative completeness.

Q46A1Respondeo

Q. 46 · Art. 1 · reply 1 Inspect passage & models ↗

Ad primum ergo dicendum quod, sicut Isidorus ibidem dicit, insipiens contrarius est sapienti, eo quod est sine sapore discretionis et sensus. Unde idem videtur esse insipientia cum stultitia. Praecipue autem videtur aliquis esse stultus quando patitur defectum in sententia iudicii quae attenditur secundum causam altissimam, nam si deficiat in iudicio circa aliquid modicum, non ex hoc vocatur aliquis stultus.

1 retained model references

References may include alternative or legacy models. Their presence does not assert normative completeness.

Q46A1Ad1

Q. 46 · Art. 1 · reply 2 Inspect passage & models ↗

Ad secundum dicendum quod sicut est quaedam sapientia mala, ut supra dictum est, quae dicitur sapientia saeculi, quia accipit pro causa altissima et fine ultimo aliquod terrenum bonum; ita etiam est aliqua stultitia bona, huic sapientiae malae opposita, per quam aliquis terrena contemnit. Et de hac stultitia loquitur apostolus.

1 retained model references

References may include alternative or legacy models. Their presence does not assert normative completeness.

Q46A1Ad2

Q. 46 · Art. 1 · reply 3 Inspect passage & models ↗

Ad tertium dicendum quod sapientia saeculi est quae decipit et facit esse stultum apud Deum, ut patet per apostolum, I ad Cor. III.

1 retained model references

References may include alternative or legacy models. Their presence does not assert normative completeness.

Q46A1Ad3

Q. 46 · Art. 1 · reply 4 Inspect passage & models ↗

Ad quartum dicendum quod non moveri iniuriis quandoque quidem contingit ex hoc quod homini non sapiunt terrena, sed sola caelestia. Unde hoc pertinet ad stultitiam mundi, sed ad sapientiam Dei, ut Gregorius ibidem dicit. Quandoque autem contingit ex hoc quod homo est simpliciter circa omnia stupidus, ut patet in amentibus, qui non discernunt quid sit iniuria. Et hoc pertinet ad stultitiam simpliciter.

1 retained model references

References may include alternative or legacy models. Their presence does not assert normative completeness.

Q46A1Ad4

Q. 46 · Art. 2 · objection 1 Inspect passage & models ↗

Ad secundum sic proceditur. Videtur quod stultitia non sit peccatum. Nullum enim peccatum provenit in nobis a natura. Sed quidam sunt stulti naturaliter. Ergo stultitia non est peccatum.

1 retained model references

References may include alternative or legacy models. Their presence does not assert normative completeness.

Q46A2Obiectio1

Q. 46 · Art. 2 · objection 2 Inspect passage & models ↗

Praeterea, omne peccatum est voluntarium, ut Augustinus dicit. Sed stultitia non est voluntaria. Ergo non est peccatum.

1 retained model references

References may include alternative or legacy models. Their presence does not assert normative completeness.

Q46A2Obiectio2

Q. 46 · Art. 2 · objection 3 Inspect passage & models ↗

Praeterea, omne peccatum opponitur alicui praecepto divino. Sed stultitia nulli praecepto opponitur. Ergo stultitia non est peccatum.

1 retained model references

References may include alternative or legacy models. Their presence does not assert normative completeness.

Q46A2Obiectio3

Q. 46 · Art. 2 · sed contra Inspect passage & models ↗

Sed contra est quod dicitur Prov. I, prosperitas stultorum perdet eos. Sed nullus perditur nisi pro peccato. Ergo stultitia est peccatum.

Q. 46 · Art. 2 · respondeo Inspect passage & models ↗

Respondeo dicendum quod stultitia, sicut dictum est, importat quendam stuporem sensus in iudicando, et praecipue circa altissimam causam, quae est finis ultimus et summum bonum. Circa quod aliquis potest pati stuporem in iudicando dupliciter. Uno modo, ex indispositione naturali, sicut patet in amentibus. Et talis stultitia non est peccatum. Alio modo, inquantum immergit homo sensum suum rebus terrenis, ex quo redditur eius sensus ineptus ad percipiendum divina, secundum illud I ad Cor. II, animalis homo non percipit ea quae sunt spiritus Dei, sicut etiam homini habenti gustum infectum malo humore non sapiunt dulcia. Et talis stultitia est peccatum.

1 retained model references

References may include alternative or legacy models. Their presence does not assert normative completeness.

Q46A2Respondeo

Q. 46 · Art. 2 · reply 1 Inspect passage & models ↗

Et per hoc patet responsio ad primum.

1 retained model references

References may include alternative or legacy models. Their presence does not assert normative completeness.

Q46A2Ad1

Q. 46 · Art. 2 · reply 2 Inspect passage & models ↗

Ad secundum dicendum quod quamvis stultitiam nullus velit, vult tamen ea ad quae consequitur esse stultum, scilicet abstrahere sensum suum a spiritualibus et immergere terrenis. Et idem etiam contingit in aliis peccatis. Nam luxuriosus vult delectationem sine qua non est peccatum, quamvis non simpliciter velit peccatum, vellet enim frui delectatione sine peccato.

1 retained model references

References may include alternative or legacy models. Their presence does not assert normative completeness.

Q46A2Ad2

Q. 46 · Art. 2 · reply 3 Inspect passage & models ↗

Ad tertium dicendum quod stultitia opponitur praeceptis quae dantur de contemplatione veritatis; de quibus supra habitum est cum de scientia et intellectu ageretur.

1 retained model references

References may include alternative or legacy models. Their presence does not assert normative completeness.

Q46A2Ad3

Q. 46 · Art. 3 · objection 1 Inspect passage & models ↗

Ad tertium sic proceditur. Videtur quod stultitia non sit filia luxuriae. Gregorius enim, XXXI Moral., enumerat luxuriae filias; inter quas tamen non continetur stultitia. Ergo stultitia non procedit ex luxuria.

1 retained model references

References may include alternative or legacy models. Their presence does not assert normative completeness.

Q46A3Obiectio1

Q. 46 · Art. 3 · objection 2 Inspect passage & models ↗

Praeterea, apostolus dicit, I ad Cor. III, sapientia huius mundi stultitia est apud Deum. Sed sicut Gregorius dicit, X Moral., sapientia mundi est cor machinationibus tegere, quod pertinet ad duplicitatem. Ergo stultitia est magis filia duplicitatis quam luxuriae.

1 retained model references

References may include alternative or legacy models. Their presence does not assert normative completeness.

Q46A3Obiectio2

Q. 46 · Art. 3 · objection 3 Inspect passage & models ↗

Praeterea, ex ira aliqui praecipue vertuntur in furorem et insaniam, quae pertinent ad stultitiam. Ergo stultitia magis oritur ex ira quam ex luxuria.

1 retained model references

References may include alternative or legacy models. Their presence does not assert normative completeness.

Q46A3Obiectio3

Q. 46 · Art. 3 · sed contra Inspect passage & models ↗

Sed contra est quod dicitur Prov. VII, statim eam sequitur, scilicet meretricem, ignorans quod ad vincula stultus trahatur.

Q. 46 · Art. 3 · respondeo Inspect passage & models ↗

Respondeo dicendum quod, sicut iam dictum est, stultitia, secundum quod est peccatum, provenit ex hoc quod sensus spiritualis hebetatus est, ut non sit aptus ad spiritualia diiudicanda. Maxime autem sensus hominis immergitur ad terrena per luxuriam, quae est circa maximas delectationes, quibus anima maxime absorbetur. Et ideo stultitia quae est peccatum maxime nascitur ex luxuria.

1 retained model references

References may include alternative or legacy models. Their presence does not assert normative completeness.

Q46A3Respondeo

Q. 46 · Art. 3 · reply 1 Inspect passage & models ↗

Ad primum ergo dicendum quod ad stultitiam pertinet quod homo habeat fastidium de Deo et de donis ipsius. Unde Gregorius duo numerat inter filias luxuriae quae pertinent ad stultitiam, scilicet odium Dei et desperationem futuri saeculi, quasi dividens stultitiam in duas partes.

1 retained model references

References may include alternative or legacy models. Their presence does not assert normative completeness.

Q46A3Ad1

Q. 46 · Art. 3 · reply 2 Inspect passage & models ↗

Ad secundum dicendum quod verbum illud apostoli non est intelligendum causaliter, sed essentialiter, quia scilicet ipsa sapientia mundi est stultitia apud Deum. Unde non oportet quod quaecumque pertinent ad sapientiam mundi sint causa huius stultitiae.

1 retained model references

References may include alternative or legacy models. Their presence does not assert normative completeness.

Q46A3Ad2

Q. 46 · Art. 3 · reply 3 Inspect passage & models ↗

Ad tertium dicendum quod ira, ut supra dictum est, sua acuitate maxime immutat corporis naturam. Unde maxime causat stultitiam quae provenit ex impedimento corporali. Sed stultitia quae provenit ex impedimento spirituali, scilicet ex immersione mentis ad terrena, maxime provenit ex luxuria, ut dictum est.

1 retained model references

References may include alternative or legacy models. Their presence does not assert normative completeness.

Q46A3Ad3