Theology

Summa · Ii ii fide — Question 7

Latin · LEONINA_CT_Q1 · 17 source records

Q. 7 · prooemium Inspect passage & models ↗

Deinde considerandum est de effectibus fidei. Et circa hoc quaeruntur duo. Primo, utrum timor sit effectus fidei. Secundo, utrum purificatio cordis sit effectus fidei.

Q. 7 · Art. 1 · objection 1 Inspect passage & models ↗

Ad primum sic proceditur. Videtur quod timor non sit effectus fidei. Effectus enim non praecedit causam. Sed timor praecedit fidem, dicitur enim Eccli. II, qui timetis Deum, credite illi. Ergo timor non est effectus fidei.

1 retained model references

References may include alternative or legacy models. Their presence does not assert normative completeness.

Q7A1Obiectio1

Q. 7 · Art. 1 · objection 2 Inspect passage & models ↗

Praeterea, idem non est causa contrariorum. Sed timor et spes sunt contraria, ut supra dictum est, fides autem generat spem, ut dicitur in Glossa, Matth. I. Ergo non est causa timoris.

1 retained model references

References may include alternative or legacy models. Their presence does not assert normative completeness.

Q7A1Obiectio2

Q. 7 · Art. 1 · objection 3 Inspect passage & models ↗

Praeterea, contrarium non est causa contrarii. Sed obiectum fidei est quoddam bonum, quod est veritas prima, obiectum autem timoris est malum, ut supra dictum est. Actus autem habent speciem ex obiectis, secundum supradicta. Ergo fides non est causa timoris.

1 retained model references

References may include alternative or legacy models. Their presence does not assert normative completeness.

Q7A1Obiectio3

Q. 7 · Art. 1 · sed contra Inspect passage & models ↗

Sed contra est quod dicitur Iac. II, Daemones credunt et contremiscunt.

Q. 7 · Art. 1 · respondeo Inspect passage & models ↗

Respondeo dicendum quod timor est quidam motus appetitivae virtutis, ut supra dictum est. Omnium autem appetitivorum motuum principium est bonum vel malum apprehensum. Unde oportet quod timoris et omnium appetitivorum motuum sit principium aliqua apprehensio. Per fidem autem fit in nobis quaedam apprehensio de quibusdam malis poenalibus quae secundum divinum iudicium inferuntur, et per hunc modum fides est causa timoris quo quis timet a Deo puniri, qui est timor servilis. Est etiam causa timoris filialis, quo quis timet separari a Deo, vel quo quis refugit se Deo comparare reverendo ipsum; inquantum per fidem hanc existimationem habemus de Deo, quod sit quoddam immensum et altissimum bonum, a quo separari est pessimum et cui velle aequari est malum. Sed primi timoris, scilicet servilis, est causa fides informis. Sed secundi timoris, scilicet filialis, est causa fides formata, quae per caritatem facit hominem Deo inhaerere et ei subiici.

1 retained model references

References may include alternative or legacy models. Their presence does not assert normative completeness.

Q7A1Respondeo

Q. 7 · Art. 1 · reply 1 Inspect passage & models ↗

Ad primum ergo dicendum quod timor Dei non potest universaliter praecedere fidem, quia si omnino eius ignorantiam haberemus quantum ad praemia vel poenas de quibus per fidem instruimur, nullo modo eum timeremus. Sed supposita fide de aliquibus articulis fidei, puta de excellentia divina, sequitur timor reverentiae, ex quo sequitur ulterius ut homo intellectum suum Deo subiiciat ad credendum omnia quae sunt promissa a Deo. Unde ibi sequitur, et non evacuabitur merces vestra.

1 retained model references

References may include alternative or legacy models. Their presence does not assert normative completeness.

Q7A1Ad1

Q. 7 · Art. 1 · reply 2 Inspect passage & models ↗

Ad secundum dicendum quod idem secundum contraria potest esse contrariorum causa, non autem idem secundum idem. Fides autem generat spem secundum quod facit nobis existimationem de praemiis quae Deus retribuit iustis. Est autem causa timoris secundum quod facit nobis aestimationem de poenis quas peccatoribus infliget.

1 retained model references

References may include alternative or legacy models. Their presence does not assert normative completeness.

Q7A1Ad2

Q. 7 · Art. 1 · reply 3 Inspect passage & models ↗

Ad tertium dicendum quod obiectum fidei primum et formale est bonum quod est veritas prima. Sed materialiter fidei proponuntur credenda etiam quaedam mala, puta quod malum sit Deo non subiici vel ab eo separari, et quod peccatores poenalia mala sustinebunt a Deo. Et secundum hoc fides potest esse causa timoris.

1 retained model references

References may include alternative or legacy models. Their presence does not assert normative completeness.

Q7A1Ad3

Q. 7 · Art. 2 · objection 1 Inspect passage & models ↗

Ad secundum sic proceditur. Videtur quod purificatio cordis non sit effectus fidei. Puritas enim cordis praecipue in affectu consistit. Sed fides in intellectu est. Ergo fides non causat cordis purificationem.

1 retained model references

References may include alternative or legacy models. Their presence does not assert normative completeness.

Q7A2Obiectio1

Q. 7 · Art. 2 · objection 2 Inspect passage & models ↗

Praeterea, illud quod causat cordis purificationem non potest simul esse cum impuritate. Sed fides simul potest esse cum impuritate peccati, sicut patet in illis qui habent fidem informem. Ergo fides non purificat cor.

1 retained model references

References may include alternative or legacy models. Their presence does not assert normative completeness.

Q7A2Obiectio2

Q. 7 · Art. 2 · objection 3 Inspect passage & models ↗

Praeterea, si fides aliquo modo purificaret cor humanum, maxime purificaret hominis intellectum. Sed intellectum non purificat ab obscuritate, cum sit cognitio aenigmatica. Ergo fides nullo modo purificat cor.

1 retained model references

References may include alternative or legacy models. Their presence does not assert normative completeness.

Q7A2Obiectio3

Q. 7 · Art. 2 · sed contra Inspect passage & models ↗

Sed contra est quod dicit Petrus, Act. XV, fide purificans corda eorum.

Q. 7 · Art. 2 · respondeo Inspect passage & models ↗

Respondeo dicendum quod impuritas uniuscuiusque rei consistit in hoc quod rebus vilioribus immiscetur, non enim dicitur argentum esse impurum ex permixtione auri, per quam melius redditur, sed ex permixtione plumbi vel stanni. Manifestum est autem quod rationalis creatura dignior est omnibus temporalibus et corporalibus creaturis. Et ideo impura redditur ex hoc quod temporalibus se subiicit per amorem. A qua quidem impuritate purificatur per contrarium motum, dum scilicet tendit in id quod est supra se, scilicet in Deum. In quo quidem motu primum principium est fides, accedentem enim ad Deum oportet credere, ut dicitur Heb. XI. Et ideo primum principium purificationis cordis est fides, quae si perficiatur per caritatem formatam, perfectam purificationem causat.

1 retained model references

References may include alternative or legacy models. Their presence does not assert normative completeness.

Q7A2Respondeo

Q. 7 · Art. 2 · reply 1 Inspect passage & models ↗

Ad primum ergo dicendum quod ea quae sunt in intellectu sunt principia eorum quae sunt in affectu, inquantum scilicet bonum intellectum movet affectum.

1 retained model references

References may include alternative or legacy models. Their presence does not assert normative completeness.

Q7A2Ad1

Q. 7 · Art. 2 · reply 2 Inspect passage & models ↗

Ad secundum dicendum quod fides etiam informis excludit quandam impuritatem sibi oppositam, scilicet impuritatem erroris, quae contingit ex hoc quod intellectus humanus inordinate inhaeret rebus se inferioribus, dum scilicet vult secundum rationes rerum sensibilium metiri divina. Sed quando per caritatem formatur, tunc nullam impuritatem secum compatitur, quia universa delicta operit caritas, ut dicitur Prov. X.

1 retained model references

References may include alternative or legacy models. Their presence does not assert normative completeness.

Q7A2Ad2

Q. 7 · Art. 2 · reply 3 Inspect passage & models ↗

Ad tertium dicendum quod obscuritas fidei non pertinet ad impuritatem culpae, sed magis ad naturalem defectum intellectus humani, secundum statum praesentis vitae.

1 retained model references

References may include alternative or legacy models. Their presence does not assert normative completeness.

Q7A2Ad3